Irailaren 25ean, Aerosorgailuen Datuak Partekatzeari buruzko Lantaldea abian jartzeko bilera egin zen Gipuzkoako Merkataritza Ganberan, Donostian. Guztira, 22 parte-hartzaile izan ziren, 9 aurrez aurre eta 13 telematikoki.
Lantaldea Xabet enpresak koordinatuko du, eta bertan parte hartuko dute aerosorgailuetako osagaien fabrikatzaileek, software-enpresek eta Zientzia, Teknologia eta Berrikuntzaren Euskal Sareko eragileek.
Aerosorgailuetako osagaien fabrikatzaileei parke eolikoetako eragiketa-lanetan beharrezkoak diren datuak eskuratzeko aukera erraztea da LTaren helburu nagusia, horietatik balioa lortu eta lehiatzeko eskaintza hobetu ahal dezaten.
Gainera, LTa Tecnalia buru duen DAEKIN proiektuari atxikita dago (Eusko Jaurlaritzaren ELKARTEK Programak diruz lagunduta), IDSA ekosisteman oinarritutako datuak partekatzeko plataforma baten erreferentziazko arkitektura definitzeko. Arkitektura honek datuen Plataforma Digitala ezartzeko aukera erraztuko du Offshore Eolikoan.
Energia Klusterrak (EKE) eta Xabet eta Tecnalia enpresek egindako aurkezpenen ondoren eta bertaratutako guztien agerraldiak amaituta, datozen hilabeteetarako Lan Plana zehaztu zen bileraren bukaeran.