Proiektuak berezko eremua izan du Energia Klusterraren “Smart Grids Basque Country” baterako standean, azaroaren 30etik abenduaren 2ra bitartean Milanen antolatutako nazioarteko ekitaldi honetan.
ENLIT marka berrian batu dira EUROPEAN UTILITY WEEK (elektrizitate-sare adimendunen arloko Europako ekitaldirik garrantzitsuena) eta POWERGEN (energia-sorkuntzaren arloko azken 25 urteotako Europako erreferentziazko ekitaldia). Edizio berri honetan 500 enpresa erakusketarik eta 10.000 pertsona inguruk parte hartu dute.
Energia Klusterrak ekitaldira bidalitako ordezkaritza arduratu da proiektua ezagutzera emateaz, hormako grafiko batez eta zabalkunderako material osagarriaz lagunduta, eta horri esker, baterako standa bisitatu zutenek bertatik bertara ezagutu ahal izan zituzten DAEKINek sektorearen erronkei erantzuteko planteatu dituen berrikuntzak.