Bilera honetan, osagaien fabrikatzaileei egindako aldebiko elkarrizketen ondorioak aurkeztu ziren, baita aerosorgailu digitalizatuetarako osagaien negozio-ereduaren proposamena eta datuen analisirako plataforma digitalaren prototipoa ere.
Irailaren 17an egin zen Donostian, Gipuzkoako Merkataritza Ganberan, Aerosorgailuen Datuak Partekatzeari buruzko Lantaldearen bigarren bilera, 14 enpresak parte hartu zutelarik.
Topaketan, Tecnaliak Lantaldean parte hartzen duten osagaien fabrikatzaileei egindako aldebiko elkarrizketen ondorioak aurkeztu zituen; Energia Klusterrak aerosorgailu “digitalizatuetarako” osagaien negozio-eredua proposatu zuen, eta XABETek DOCC-OFF europar proiektuaren barruan garatu duen datu-analisirako plataforma digitalaren prototipoa eman zuen ezagutzera.
Aerosorgailuetako osagaien fabrikatzaileek, software-enpresek eta Zientzia, Teknologia eta Berrikuntzaren Euskal Sareko eragileek parte hartzen dute Xabet enpresak koordinatutako lantalde honetan.
Aerosorgailuetako osagaien fabrikatzaileei parke eolikoetako eragiketa-lanetan beharrezkoak diren datuak eskuratzeko aukera erraztea da LTaren helburu nagusia, horietatik balioa lortu eta lehiatzeko eskaintza hobetu ahal dezaten.